FAQ

அதிகார சபையின் ஒட்டுமொத்த பொறுப்புக்களும் கடமைகளும் குற்றத்தால் பலியானவர்களுக்கும் சாட்சியாளர்களுக்கும் உதவுவதற்கும் மற்றும் பாதுகாப்பதற்கும் உரிய 2015 இன் 04 ஆம் இலக்க சட்டத்தின் 13 (1) ஆம் பிரிவில் குறிப்பீடுசெய்யப்பட்டுள்ளன. எவ்வாறாயினும், குற்றத்தால் பலியானவர்களினதும் சாட்சியாளர்களினதும் உரிமைகளையும் உரித்துக்களையும் இனங்கண்டு அவற்றை பாதுகாப்பதும் மற்றும் பாதுகாப்பதற்கான ஏற்பாடுகளை செய்வதும், அந்த உரிமைகள் அல்லது உரித்துக்கள் மீறப்படும் சந்தர்ப்பத்தில் அத்தகைய மீறுகை பற்றி விசாரணை செய்து பொருத்தமான பரிகார நடவடிக்கைகளை பெற்றுக்கொடுக்குமாறு உரிய நிறுவனங்களை கேட்டுக்கொள்வதும், குற்றத்தால் பலியானவர்களுக்கும் சாட்சியாளர்களுக்கும் தேவையான உதவியையும் பாதுகாப்பையும் பெற்றுக்கொடுப்பதும், அவர்களின் உரிமைகளும் உரித்துக்களும் பற்றி பொதுமக்களுக்கும் அரச உத்தியோகத்தர்களுக்கும் விழிப்பூட்டி அறியப்படுத்துவதும், குற்றங்களை குறைக்க தேவையான நடவடிக்கைகளை இனங்கண்டுகொள்ளும் பொருட்டு ஆராய்ச்சிகளை மேற்கொள்வதும் மற்றும் குற்றத்தால் பாதிக்ககப்படுபவர்களுக்கு நியாாயத்தை பெற்றுக்கொடுக்கும் செயல்முறையை வெற்றிகரமாக மேற்கொள்ளக்கூடிய ஒரு சூழலை நிர்மாணிக்க தேவையான கொள்கைகள் பற்றிய சிபாரிசுகளை முன்வைப்பதும் அதிகார சபையின் பொறுப்புக்களிலும் கடமைகளிலும் உள்ளடங்குகின்றன.

இது பற்றிய ஒட்டுமொத்த வரைவிலக்கணமும் குற்றத்தால் பலியானவர்களுக்கும் சாட்சியாளர்களுக்கும் உதவுவதற்கும் மற்றும் பாதுகாப்பதற்கும் உரிய 2015 இன் 04 ஆம் இலக்க சட்டத்தின் 46 ஆம் பிரிவில் குறிப்பீடுசெய்யப்பட்டுள்ளது. பொதுவாக பார்க்கும் போது குற்றத்தால் பலியான ஒருவர் என்பது ஏதாவதொரு சட்டத்தின் மூலம் குறிப்பீடுசெய்யப்பட்டுள்ள குறித்தவொரு குற்றம் புரியப்படுவதன் அல்லது ஏதாவது செயல் செய்யப்படுவதன் அல்லது செய்யாமல் விடப்படுவதன் விளைவாக அல்லது அரசியலமைப்பின் 11 ஆம் உறுப்புரையினால் அல்லது 13 ஆம் உறுப்புரையின் (1) அல்லது (2) ஆம் பிரிவுகளினால் உத்தரவாதமளிக்கப்பட்டுள்ள ஒரு அடிப்படை உரிமை அல்லது ஒரு மனித உரிமை மீறப்படுவதால் உடலியல், உளவியல், சிந்தனை, பொருளாதார பாதிப்பு ஏற்பட்டுள்ள அல்லது வேறு ஏதாவதொரு பாதிப்புக்கு, துன்புறுத்தலுக்கு, நட்டத்திற்கு, பலவீனத்திற்கு அல்லது இழப்புக்கு ஆளாக்கப்பட்டுள்ள எவரேனுமொருவர், அவரின் குடும்ப அங்கத்தவர் ஒருவர், பிள்ளை ஒருவர் அல்லது அவருடன் விஷேட உறவைக்கொண்டுள்ள எவரேனும் நபர் ஒருவர் என பொருள்படும்.

சட்டத்தை அமுலாக்கும் அதிகாரி ஒருவருக்கு ஒரு தகவலை வழங்கியமையால் அல்லது ஒரு முறைப்பாட்டை செய்தமையால் அந்த முறைப்பாட்டை அடிப்படையாகக் கொண்டு ஆரம்பிக்கப்பட்டுள்ள அல்லது முன்னெடுக்கப்படும் ஒரு விசாரணையின் போது அல்லது ஒரு புலன்விசாரணையின் போது அல்லது ஏதாவதொரு உரிமை அல்லது ஒரு மனித உரிமை மீறப்பட்டுள்ளமை சம்பந்தமாக ஆரம்பிக்கக்கூடிய அல்லது ஆரம்பிக்கப்பட்டுள்ள அல்லது ஆரம்பிக்கப்படவுள்ள ஒரு விசாரணையின் போது,

• அந்த தகவலை வழங்கியுள்ள அல்லது அந்த முறைப்பாட்டை செய்துள்ள நபர் ஒருவர்;
• அத்தகைய ஒரு விசாரணையில் ஒரு உறுதிமொழியை வழங்கியுள்ள நபர் ஒருவர்;
• அத்தகைய ஒரு விசாரணைக்கு அல்லது நீதிமன்ற வழக்கு நடவடிக்கைக்கு சமூகமளித்து ஒத்துழைக்கும் முகமாக ஏதாவது சத்தியக்கடதாசி மூலம் உறுதிமொழியளித்துள்ள நபர் ஒருவர்;
• ஒரு ஆணைக்குழுவுக்கு தகவலை அல்லது ஒரு செய்தியை வழங்கியுள்ள நபர் ஒருவர்;
• சட்டத்தை அமுலாக்கும் அதிகார சபையின் அல்லது ஆணைக்குழுவின் முன்னிலையில் நடத்தப்படும் ஏதாவது ஒரு நீதிமன்ற அல்லது அரை நீதிமன்ற நடவடிக்கை சம்பந்தமாக ஒரு கூற்றை வழங்குவதற்காக அல்லது சாட்சியமளிப்பதற்காக அழைக்கப்படுவதற்கு நியாயமான காரணங்கள் உண்டு என நம்பப்படும் நபர் ஒருவர்;
• அத்தகைய ஒரு நடவடிக்கையின் போது சாட்சியமளிப்பதற்காக வருமாறு அறிவிக்கப்பட்டு ஒரு அழைப்பாணை விடுக்கப்பட்டுள்ள நபர் ஒருவர்;
• குறித்தவொரு குற்றம் புரியப்பட்டமை அல்லது குறித்தவொரு அடிப்படை உரிமை அல்லது குறித்தவொரு மனித உரிமை மீறப்பட்டமை சம்பந்தமான ஒரு விசாரணையை மேற்கொண்டுள்ள அரச அதிகாரி ஒருவர்
என பொருள்படும்.

இதனுடன் தொடர்புடைய முழுமையான விபரங்கள் குற்றத்தால் பலியானவர்களுக்கும் சாட்சியாளர்களுக்கும் உதவுவதற்கும் மற்றும் பாதுகாப்பதற்கும் உரிய 2015 இன் 04 ஆம் இலக்க சட்டத்தின் 3,4,5,6 ஆம் பிரிவுகளில் குறிப்பீடுசெய்யப்பட்டுள்ளன. குற்றத்தால் பலியான ஒருவர் தொடர்பாக பொதுவாக பார்க்கும் போது,

• சமனாகவும், நியாயமாகவும், கௌரவமாகவும் கவனிக்கப்படுவதற்கான உரிமை;
• குற்றத்தால் பலியானவர் ஒரு பிள்ளையாக இருக்கும் பட்சத்தில், உச்சளவில் நன்மை கிடைக்கக்கூடியவாறு கவனிக்கப்படுவதற்கான உரிமை;
• குற்றத்தால் ஏற்பட்டுள்ள ஒரு நட்டத்திற்கு, ஒரு பாதிப்புக்கு, நஷ்ஈட்டை பெற்றுக்கொள்வதற்கான உரிமை;
• அச்சுறுத்தலிலிருந்து, பயமுறுத்தப்படுவதிலிருந்து, எதிர்தாக்குதல்களிலிருந்து பாதுகாக்கப்படுவதற்கான உரிமை;
• குற்றத்தின் விளைவாக ஏற்பட்டுள்ள உளவியல் அல்லது உடலியல் துன்புறுத்தலுக்கு, பாதிப்புக்கு, பலவீனத்திற்கு, உடற்காயத்திற்கு மருத்துவ சிகிச்சையை பெற்றுக்கொள்வதற்கான உரிமை;
• குற்றம் புரிந்தவருக்கு எதிரான நடவடிக்கைகள், தான் செய்த ஒரு முறைப்பாட்டின் முன்னேற்றம் என்பன பற்றிய விபரங்களை அறிந்துகொள்வதற்கான உரிமை;
• சந்தேக நபர் பிணையில் செல்ல அனுமதிக்கப்படுதல், விடுவிக்கப்படுதல், குற்ற வழக்கு தாக்கல்செய்யப்படுதல், குற்றத்திலிருந்து விடுதலை செய்யப்படுதல் அல்லது விதிக்கப்படும் தண்டனைகள், சிறைச்சாலையிலிருந்து விடுதலை செய்யப்படுதல் என்பன பற்றிய தகவல்களை அறிந்துகொள்வதற்கான உரிமை;
• தான் செய்யும் ஒரு முறைப்பாட்டை பாரபட்சமற்ற முறையில் விசாரணைசெய்து கொள்வதற்கான உரிமை;
• ஒரு நீதிமன்ற வழக்கு நடவடிக்கையின் போது சட்டத்தரனி ஒருவர் மூலமாக அல்லது தானாக நீதிமன்றத்தில் ஆஜராகுவதற்கான உரிமை;
• ஒரு குற்றத்தின் தாக்கம் சம்பந்தமாக நீதிமன்றத்திற்கு விடயங்களை கோவைப்படுத்தி காட்டுவதற்கான உரிமை;
• சாட்சியாளருக்கு எதிராக ஒரு குற்றம் புரியப்பட்டமை அல்லது அடிப்படை உரிமை மீறப்பட்டமை அல்லது மனித உரிமை மீறப்பட்டமை பற்றிய தகவல்களை வழங்குவதற்கு தானாக ஒரு கூற்றை செய்தல் அல்லது அத்தகைய ஒரு சம்பவம் தொடர்பாக ஒரு நீதிமன்றத்தின் அல்லது ஒரு ஆணைக்குழுவின் முன்னிலையில் சாட்சியமளித்தமைக்காக ஏற்படுத்தப்படும் ஒரு அச்சுறுத்தலிலிருந்து அல்லது துன்புறுத்தலிலிருந்து, பயமுறுத்தப்படுவதிலிருந்து பாதுகாக்கப்படுவதற்கான உரிமை;
முதலியன குற்றத்தால் பலியான ஒருவருக்கு இருக்கின்ற உரிமைகளாகும்.

අகுற்றத்தால் பலியான ஒருவரின் அல்லது சாட்சியாளர் ஒருவரின் உரிமைகள் மீறப்பட்டமை பற்றிய விசாரணையை மேற்கொள்ளச்செய்தல்;
குற்றத்தால் பலியான ஒருவருக்கு அல்லது சாட்சியாளர் ஒருவருக்கு பாதுகாப்பையும் உதவியையும் பெற்றுக்கொள்ளல்;

குற்றம் புரியப்பட்டதன் விளைவாக ஏற்பட்டுள்ள ஏதாவதொரு உடலியல் அல்லது உளவியல் அல்லது பொருளியல் பாதிப்புக்கு ஏதாவது தேவையான ஒரு உதவியை அல்லது நஷ்டஈட்டை பெற்றுக்கொள்ளக்கூடிய வாய்ப்பு.

குற்றத்தால் பலியான ஒருவர், அதிகார சபைக்கு சமர்ப்பிக்கும் முகமாக ஒரு குற்றப் பாதிப்பு கூற்றை (Victim Impact Statement) தயாரித்துக்கொள்ள தேவையான அறிவுரைகளை பெற்றுக்கொள்ளல்.

• உடனுக்குடனான தொலைபேசி அழைப்பு: 1985
• தொலைபேசி இலக்கம்: 0112-2879539
• மின்னஞ்சல் முகவரி: witness.protection.srilanka@gmail.com
• தொலைநகல்: 0112879440
• முகவரி: குற்றத்தால் பலியானவர்களையும் சாட்சியாளர்களையும் பாதுகாப்பதற்கான தேசிய அதிகார சபை
  முதலாவது மாடி, இலக்கம் 428/11A, டென்சில் கொப்பேகடுவ மாவத்தை, பத்தரமுல்ல.