FAQ
නිතර අසනු ලබන ගැටලු
අධිකාරියේ සමස්ථ කාර්යයභාරය පිළිබඳ 2015 අංක 04 දරන අපරාධයක වින්දිතයන් සහ සාක්ෂිකරුවන් හට සහාය දීමේ හා ආරක්ෂා කිරීමේ පනතේ 13 (1) හි සඳහන් වේ. කෙසේ වුවද, අපරාධයක වින්දිතන්ගේ සහ සාක්ෂිකරුවන්ගේ අයිතිවාසිකම් හා හිමිකම් හඳුනාගෙන ඒවා අරක්ෂා කිරීම හෝ ආරක්ෂා කිරීමට සැලැස්වීමත්. එම අයිතිවාසිකම් හෝ හිමිකම් කඩවූ අවස්ථාවක ඒ පිළිබඳව විමර්ශනයක් සිදු කර සුදුසු පිළියම් යෙදීමට අදාළ ආයතනවලින් ඉල්ලා සිටීමත්, අපරාධයක වින්දිතයන් සහ සාක්ෂිකරුවන්ට අවශ්‍ය සහාය සහ ආරක්ෂාව ලබා දීමත්, ඔවුන්ගේ අයිතිවාසිකම් හා හිමිකම් පිළිබඳව මහජනතාව සහ රජයේ නිලධාරීන් දැනුවත් කිරීමත්, අපරාධ අඩු කිරීමට අවශ්‍ය වන පියවර හඳුනා ගැනීම සඳහා පර්යේෂණ පැවැත්වීම සහ අපරාධ යුක්තිය පසිඳලීමේ ක්‍රියාවලිය සාර්ථක කර ගත හැකි පරිසරයක් නිර්මාණය කිරීමට අවශ්‍ය ප්‍රතිපත්ති පිළිබඳ නිර්දේශ ඉදිරිපත් කිරීමත් අධිකාරියේ ප්‍රධාන කාර්යයන් හා කර්තව්‍යයන් වේ.
මිට අදාළ සමස්ථ අර්ථ නිරූපණය 2015 අංක 04 දරන අපරාධයක වින්දිතයන් සහ සාක්ෂිකරුවන් හට සහාය දීමේ හා ආරක්ෂා කිරීමේ පනතේ 46 වගන්තියේ සඳහන් වේ. සරලව ගත්විට අපරාධයක වින්දිතයකු යන්නෙන් යම් නීතියක් මඟින් දක්වා ඇති උද්දේශිත වරදක් සංයුක්ත වන්නා වූ හෝ යම් ක්‍රියාවක හෝ නොකර හැරීමක ප්‍රතිඵලයක් ලෙස හෝ ආණ්ඩුක්‍රම ව්‍යවස්ථාවේ 11 හෝ 13(1) හෝ (2) මඟින් සුරක්ෂිත කර ඇති මූලික අයිතිවාසිකමක් හෝ මානව හිමිකමක් කඩ කිරීමක ප්‍රතිඵලයක් ලෙස කායික, මානසික, චිත්තාවේගී, ආර්ථික හෝ වෙනත් අලාභයක්, හිංසාවක්, හානියක්, දුබලතාවයක් හෝ හානියක් අත්විඳින යම් තැනැත්තකු ඔහුගේ / ඇයගේ පවුලේ සාමාජිකයෙකු, දරුවකු හෝ ඔහු හෝ ඇය කෙරෙහි විශේෂිත බැඳිමක් ඇති යම් තැනැත්තකු අදහස් වේ.
නීතිය බලාත්මක කරන නිලධරයකු වෙත යම් තොරතුරක් සැපයීම හෝ යම් පැමිණිල්ලක් ඉදිරිපත් කිරිම නිසා එම පැමිණිල්ල පදනම් කරගෙන ආරම්භ කර ඇති හෝ ආරම්භ කරගෙන යන විමර්ශනයක දී හෝ පරීක්ෂණයක දී හෝ යම් මූලික අයිතිවාසිකමක් හෝ මානව හිමිකමක් කඩවීමක් සම්බන්ධව ආරම්භ කළ හැකි හෝ ආරම්භ කර ඇති හෝ ආරම්භ කිරිමට යන යම් පරීක්ෂණයක දී,
මිට අදාළ සම්පූර්ණ තොරතුරු 2015 අංක 04 දරන අපරාධයක වින්දිතයන් සහ සාක්ෂිකරුවන් හට සහාය දීමේ හා ආරක්ෂා කිරීමේ පනතේ 3,4,5,6 යන වගන්ති වල සඳහන් වේ. දළ වශයෙන් ගතහොත්,
වින්දිතයකු සම්බන්ධයෙන් වන කළ
අපරාධයක වින්දිතයකු හෝ සාක්ෂිකරුවකුගේ අයිතිවාසිකම් උල්ලංඝනය වීමක් සම්බන්ධයෙන් විමර්ශනය කරවා ගැනීම;
වින්දිතයකුගේ හෝ සාක්ෂිකරුවකුට අවශ්‍ය වන ආරක්ෂාව සහ සහයෝගය ලබා ගැනීම;
අපරාධයක යම් ප්‍රතිඵලයක් ලෙස ඇතිවූ යම් කායික හෝ මානසික හෝ ආර්ථික හානියකට අදාළව යම් හානිපූර්ණයක් සඳහා අවශ්‍ය වන ආධාරයක් හෝ වන්දියක් ලබා ගැනිමට හැකි වීම.
අපරාධ වින්දිතයකු හට අධිකාරියට ඉදිරිපත් කිරීම සඳහා වින්දිත බලපෑම් ප්‍රකාශයක් (Victim Impact Statement) සෑදීමට උපදෙස් ලබාදීම.
